قلب الهادى شعر غنائى عبدالهادى الشعراوى

قلب الهادى شعر غنائى عبدالهادى الشعراوى 

……..

كان كل دقيقة بينادى 

بشوق وحنان مش عادى 

وإن غبت عليه لحظة وتانيه

يصرخ فينك عبدالهادى 

…..

إتغير حاله وبقى بيجور

وخَلى الدم في عقلى يفور

وعشان مابحبش ألف وأدور

سألته جاوبنى مش فاضى 

…..

وبيضحك ولا شاغل باله 

ولا عدت بشوف حتى خياله

ولا بسمع رنه خلخاله

لو مر بالصدفة قصادى

…..

ياما قال عنى كلام طيب

من قلب حبيب وقريب

والضى بعينه ما بيغيب

حبيته حب ماهش عادى

……

ورسمنا الخطوة لأدام

ع الحب بنصحى وبنام

ولا يوم حسينا أى ألام

والطبع غرام حلو وهادى

…..

فى لحظة إتبدل وإتغير

بعناده وغيرته إللى تحير

خيرته راح عنى مادور

ولا فكر يسأل ع الهادى

……

صبرت القلب ورحت بعيد

ودعيت له يعيش العمر سعيد

وداويت الجرح اللى بقلبى

وحافظت على عبد الهادى